മുക്കം: ദക്ഷിണേന്ത്യയിലെ പ്രമുഖ മതപഠന കേന്ദ്രമായ വെല്ലൂര്‍ ബാഖിയാത്തുസ്സാലിഹാത്തിന്റെ സ്ഥാപകന്‍ ബാനീ ഹസ്രത്തിന്റെ നൂറാം ചരമവാര്‍ഷികത്തോടനുബന്ധിച്ച് അനുസ്മരണ പരിപാടി സംഘടിപ്പിക്കാന്‍ കേരള ബാഖവി മജ്‌ലിസുല്‍ ഉലമ നേതൃയോഗം തീരുമാനിച്ചു.
ഹസ്രത്തിന്റെ ലഘുചിത്രം ഡിസംബര്‍ 22ന് കോഴിക്കോട്ട് നടക്കുന്ന കേരള ബാഖവീ മജ്‌ലിസുല്‍ ഉലമ ദശവാര്‍ഷിക യോഗത്തില്‍ പുറത്തിറക്കും. ഒക്ടോബര്‍ ഏഴിന് കോഴിക്കോട്ട് അരയിടത്തുപാലം ബദര്‍ മസ്ജിദില്‍ ചേരുന്ന ബാഖവീസംഗമത്തില്‍ ദശവാര്‍ഷിക പരിപാടികള്‍ പ്രഖ്യാപിക്കും.
യോഗം യു.കെ അബ്ദുല്‍ ലത്തീഫ് ബാഖവി ഉദ്ഘാടനം ചെയ്തു.
ഡോ. അലി അസ്ഗര്‍ ബാഖവി അധ്യക്ഷനായി. എ.കെ യൂസുഫ് ബാഖവി, പി.കെ.എം മുബാറക് ബാഖവി, മാമ്പറ അബുബക്കര്‍ മുസ്‌ലിയാര്‍, പി.ടി അബ്ദുല്ല ബാഖവി സംസാരിച്ചു.