കൊച്ചി: മുനിസിപ്പല്‍ കോമണ്‍ സര്‍വീസില്‍ മെഡിക്കല്‍ ഓഫിസര്‍ (ആയുര്‍വേദ) കാറ്റഗറി നമ്പര്‍ (65212) തസ്തികയുടെ തെരഞ്ഞെടുപ്പിന് 2014 മെയ് 21ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട സ്വീകാര്യമായ അപേക്ഷ സമര്‍പ്പിച്ച ഉദ്യോഗാര്‍ഥികള്‍ക്കായുളള ഇന്റര്‍വ്യൂ സപ്തംബര്‍ 28, 29, 30 തീയതികളില്‍ പി.എസ്.സി യുടെ എറണാകുളം സൗത്ത് റയില്‍വെ സ്റ്റേഷന്‍ കിഴക്കേ പ്രവേശന കവാടത്തിന്റെ നാലാം നിലയില്‍ പ്രവര്‍ത്തിക്കുന്ന മേഖലാ ഓഫീസില്‍ നടത്തും.
ഉദ്യോഗാര്‍ഥികള്‍ക്ക് എസ്.എം.എസി ലൂടെ അറിയിപ്പും പ്രൊഫൈയില്‍ വഴി ഇന്റര്‍വ്യൂ മെമ്മോയും നല്‍കിയിട്ടുണ്ട്. അറിയിപ്പ് ലഭിക്കാത്തവര്‍ പി.എസ്.സിയുടെ മേഖലാ ഓഫീസുമായി ബന്ധപ്പെടണം.