തിരുവനന്തപുരം: സ്വാശ്രയ പ്രശ്‌നത്തില്‍ യു.ഡി.എഫിന്റെ മൂന്ന് എം.എല്‍.എമാര്‍ സഭയില്‍ നിരാഹാര സമരം  ആരംഭിച്ചു. കോണ്‍ഗ്രസ് എം.എല്‍.എമാരായ ഷാഫി പറമ്പിലും ഹൈബി ഈഡനും കേരള കോണ്‍ഗ്രസ് എം.എല്‍.എ അനൂപ് ജേക്കബുമാണ് നിരാഹാരമിരിക്കുന്നത്.     മുസ്ലിം ലീഗ് എം.എല്‍.എമാരായ കെ.എം. ഷാജി, എം. ഷംസുദീന്‍ എന്നിവര്‍ അനുഭാവ സത്യാഗ്രഹം നടത്തും. സഭാകവാടത്തിലാണ് പ്രതിപക്ഷ എം.എല്‍.എമാര്‍ നിരാഹാരമിരിക്കുന്നത്. യു.ഡി.എഫ് പാര്‍ലമെന്ററി പാര്‍ട്ടിയോഗമാണ് ഇക്കാര്യം തീരുമാനിച്ചത്.