തിരുവനന്തപുരം: 1989ലെ കേന്ദ്ര മോട്ടോര്‍ വാഹന ചട്ടം 5051 എന്നിവ പ്രകാരം നിരത്തിലോടുന്ന ഓരോ വാഹനത്തിലും നിര്‍ബന്ധമായും രജിസ്‌ട്രേഷന്‍ നമ്പര്‍ പ്രദര്‍ശിപ്പിക്കേണ്ടതാണെന്നു ഗതാഗതമന്ത്രി എ.കെ ശശീന്ദ്രന്‍ നിയമസഭയെ അറിയിച്ചു. രജിസ്‌ട്രേഷന്‍ മാര്‍ക്ക് പ്രദര്‍ശിപ്പിക്കാത്ത  ഒരു വാഹനവും ഗതാഗത്തിനു ഉപയോഗിക്കാന്‍ അനുമതി നല്‍കിയിട്ടില്ലന്നും മന്ത്രി വ്യക്തമാക്കി. കെ.എസ്.ആര്‍.ടി.സിയുടെ പ്രതിസന്ധി പരിഹരിക്കുന്നതിന് സര്‍ക്കാര്‍ ഒരു രക്ഷാപാക്കേജ് നടപ്പാക്കും. കെ.എസ്.ആര്‍.ടി.സിയില്‍ 823 കണ്ടക്ടര്‍മാരുടെ കുറവുണ്ടെന്നും മന്ത്രി പറഞ്ഞു.