കൊച്ചി: അമ്പത് ലക്ഷത്തോളം വരുന്ന ജനങ്ങളുടെ കുടിവെള്ള സ്രോതസായ പെരിയാറിനെ മാലിന്യമുക്തമാക്കാന്‍ സമിതി രൂപീകരിക്കണമെന്ന് പരിസ്ഥിതി പ്രവര്‍ത്തകനും ആംആദ്മി പാര്‍ട്ടി സംസ്ഥാന കണ്‍വീനറുമായ സി.ആര്‍.നീലകണ്ഠന്‍. എമറണാകുളം രാജേന്ദ്രമൈതാനിയില്‍ കേരള ഗ്രാമസ്വരാജ് ഫൗണ്ടേഷന്റെ ആഭിമുഖ്യത്തില്‍ പെരിയാറിനെ സംരക്ഷിക്കണമെന്നാവശ്യപ്പെട്ട് നടത്തിയ ഉപവാസസമരം ഉദ്ഘാടനം ചെയ്യുകയായിരുന്നു അദ്ദേഹം. കേരള ഗ്രാമസ്വരാജ് ഫൗണ്ടേഷന്‍ പ്രസിഡന്റ് എം.എന്‍.ഗിരി, വി.ഡി.മജീന്ദ്രന്‍ എന്നിവര്‍ പ്രസംഗിച്ചു.