കൊയിലാണ്ടി: മെഡിക്കല്‍ ഷോപ്പ് കൈയേറി ജീവനക്കാരെയും തടയാനെത്തിയ പൊലിസുകാരെയും അജ്ഞാത സംഘം മര്‍ദിച്ചു. ഇന്നലെ വൈകിട്ട് 6 ഓടെയാണ് പുതിയ ബസ്സ്റ്റാന്‍ഡിലെ ടി.പി കൃഷ്ണന്റെ ഉടമസ്ഥതയിലുള്ള കൊയിലാണ്ടി മെഡിക്കല്‍ സ്റ്റോറിന് നേരെ ആക്രമം നടന്നത്. കൊയിലാണ്ടി എസ്.ഐ സുരേഷ് ബാബു, എ.എസ്.ഐ ദിലീഫ്, കോണ്‍സ്റ്റബിള്‍ സുരേഷ് ബാബു, മെഡിക്കല്‍ ഷോപ്പ് ജീവനക്കാരായ രഞ്ജിത്ത്, രവി, അനിത എന്നിവര്‍ക്കാണ് പരുക്കേറ്റത്.
കഴിഞ്ഞ ദിവസം ബസ്റ്റാന്‍ഡിലുണ്ടായ പൂവാലശല്യത്തിനെതിരേ വ്യാപാരികള്‍ പരാതിപ്പെട്ടിരുന്നു. ഇതിനെ തുടര്‍ന്നാണ് ഈ ആക്രമണമെന്നറിയുന്നു. അക്രമികള്‍ പന്തലായനിക്കാരാണന്നാണറിയുന്നത്. ഇവരുടെ ദൃശ്യങ്ങള്‍ പൊലിസ് സ്ഥാപിച്ച കാമറയില്‍ പതിഞ്ഞതായും പ്രതികളെ ഉടന്‍ പിടികൂടുമെന്നും പൊലിസ് പറഞ്ഞു.