ന്യൂഡല്‍ഹി: കേരളത്തില്‍ തെരുവു നായ്ക്കളെ കൊല്ലുന്നതിനെതിരേ രൂക്ഷവിമര്‍ശനവുമായി സുപ്രിംകോടതി. കേരളം തെരുവു നായ്്ക്കളെ കൊന്ന് ആഘോഷിക്കുകയാണോ എന്ന് കോടതി ചോദിച്ചു.

തെരുവു നായ്ക്കളെ കൊന്ന് പ്രകടനം നടത്തിയവര്‍ക്കെതിരെ എന്തു നടപടിയെടുത്തെന്ന് കേരള സര്‍ക്കാര്‍ വ്യക്തമാക്കണം. രണ്ടാഴ്ചയ്ക്കകം വിശദീകരണം നല്‍കണമെന്ന് ചീഫ് സെക്രട്ടറിയോട് കോടതി ആവശ്യപ്പെട്ടു.

തെരുവുനായ്ക്കളെ കൊന്ന് പ്രകടനം നടത്തിയ വിഷയത്തില്‍ എഫ്‌ഐആര്‍ രജിസ്റ്റര്‍ ചെയ്തിട്ടുണ്ടെന്ന് സര്‍ക്കാര്‍ അഭിഭാഷകന്‍ കോടതിയെ അറിയിച്ചു.