തൊടുപുഴ: ഫാം ഇന്‍ഫര്‍മേഷന്‍ ബ്യൂറോ ( കൃഷി വകുപ്പ്) സംസ്ഥാനതല കാര്‍ഷിക ഫോട്ടോഗ്രാഫി മത്സരം നടത്തുന്നു. കൃഷി മൃഗസംരക്ഷണ ക്ഷീരോത്പാദക മേഖലയിലെ സമൃദ്ധി എന്ന വിഷയത്തിന്റെ അടിസ്ഥാനത്തില്‍ 12ഃ18 വലിപ്പമുള്ള കളര്‍ഫിലിം പ്രിന്റുകള്‍ മത്സരത്തിനയയ്ക്കണം. ഫോട്ടോയോടൊപ്പം സോഫ്റ്റ് കോപ്പിയും ഉള്ളടക്കം ചെയ്യണം.
നേരത്തെ മത്സരങ്ങള്‍ക്കയച്ച ചിത്രങ്ങള്‍ പരിഗണിക്കുന്നതല്ല. ഒരാള്‍ക്ക് പരമാവധി മൂന്ന് എന്‍ട്രികള്‍ വരെ അയക്കാം.
മത്സരത്തിനയയ്ക്കുന്ന ഫോട്ടോകളുടെ പൂര്‍ണ്ണ അവകാശം ഫാം ഇന്‍ഫര്‍മേഷന്‍ ബ്യൂറോയ്ക്കായിരിക്കും. കവറിനു പുറത്ത് സംസ്ഥാനതല കാര്‍ഷിക ഫോട്ടോഗ്രാഫി മത്സരം 2016 എന്ന് എഴുതണം.
എന്‍ട്രികള്‍ ലഭിക്കേണ്ട അവസാന തീയതി ഒക്‌ടോബര്‍ 30. ഫോട്ടോകള്‍ അയക്കേണ്ട വിലാസം എഡിറ്റര്‍, ഫാം ഇന്‍ഫര്‍മേഷന്‍ ബ്യൂറോ, കവടിയാര്‍ പി.ഒ, തിരുവനന്തപുരം03 ഫോണ്‍: 0471 2314358, 2318186.