ന്യൂഡല്‍ഹി: ന്യൂസിലന്‍ഡിനെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമിലേക്ക് ബാറ്റ്‌സ്മാന്‍ സുരേഷ് റെയ്‌നയേയും സ്പിന്നര്‍ അമിത് മിശ്രയേയും തിരികെ വിളിച്ചു. ന്യൂസിലന്‍ഡിനെതിരായ അഞ്ചു മത്സരങ്ങളുടെ ഏകദിന പരമ്പരയില്‍ ആദ്യത്തെ മൂന്നു മത്സരത്തിലേക്കാണ് ഇരുവരെയും ഉള്‍പ്പെടുത്തിയത്. കഴിഞ്ഞ  ഒക്ടോബറില്‍ നാട്ടില്‍ ദക്ഷിണാഫ്രിക്കയ്‌ക്കെതിരേ നടന്ന ഏകദിനത്തിലാണ് ഇരുവരും അവസാനമായി ഇന്ത്യന്‍ കുപ്പായം അണിഞ്ഞത്. നേരത്തെ ആസ്‌ത്രേലിയ, സിംബാബ്‌വെ പര്യടനങ്ങളില്‍ ഇരുവരേയും ഉള്‍പ്പെടുത്തിയിരുന്നില്ല. ഈ മാസം 16ാം തിയതി മുതലാണ് ഏകദിന പരമ്പര ആരംഭിക്കുന്നത്.
ഓപണര്‍മാരായ ശിഖര്‍ ധവാനും കെ.എല്‍ രാഹുലിനും പരുക്കേറ്റതിനാല്‍ മന്‍ദീപ് സിങിനെ ഓപണിങ് സ്ഥാനത്തേക്ക് പരിഗണിച്ച് ടീമിലുള്‍പ്പെടുത്തി. രോഹിത് ശര്‍മയ്‌ക്കൊപ്പം മന്‍ദീപാകും ഇന്നിങ്‌സ് ഓപണ്‍ ചെയ്യുക. ബറോഡ ഓള്‍റൗïര്‍ ഹര്‍ദിക് പാണ്ഡ്യയേയും ടീമിലേക്ക് തിരിച്ചുവിളിച്ചു. ആര്‍ അശ്വിന്‍, രവീന്ദ്ര ജഡേജ, മുഹമ്മദ് ഷമി എന്നിവര്‍ക്ക് വിശ്രമം അനുവദിച്ചപ്പോള്‍ പരുക്കേറ്റ ഭുവനേശ്വര്‍ കുമാറിനെ പരിഗണിച്ചില്ല.
സിംബാബ്‌വെ പര്യടനത്തില്‍ ടീമിലുïായിരുന്ന കേദാര്‍ യാദവ്, മനീഷ് പാണ്ഡെ, അക്‌സര്‍ പട്ടേല്‍, ജയന്ത് യാദവ്, ധവാല്‍ കുല്‍ക്കര്‍ണി എന്നിവര്‍ സ്ഥാനം നിലനിര്‍ത്തി. യുവരാജ് സിങിനേയും ഗൗതം ഗംഭീറിനേയും പരിഗണിച്ചില്ല.
ഒക്ടോബര്‍ 16, 20, 23, 26, 29 തിയതികളിലാണ് ഏകദിന പോരാട്ടങ്ങള്‍.
ടീം: എം.എസ് ധോണി (നായകന്‍), വിരാട് കോഹ്‌ലി, രോഹിത് ശര്‍മ, അജിന്‍ക്യ രഹാനെ, മന്‍ദീപ് സിങ്, മനീഷ് പാണ്ഡെ, സുരേഷ് റെയ്‌ന, കേദാര്‍ യാദവ്, ജയന്ത് യാദവ്, ഹര്‍ദിക് പാണ്ഡ്യ, അക്‌സര്‍ പട്ടേല്‍, ജസ്പ്രീത് ബുമ്‌റ, ഉമേഷ് യാദവ്, ധവാല്‍ കുല്‍ക്കര്‍ണി, അമിത് മിശ്ര.