കാസര്‍കോട്: ആയിരം വിദ്യാര്‍ഥികളെ അണിനിരത്തി സംഗീത പരിപാടി നടക്കാനിരുന്ന വേദിക്കു മുകളില്‍ മരശിഖരം പൊട്ടി വീണു. പരിപാടി നടക്കുന്നതിനു ഏതാനും മണിക്കൂറുകള്‍ക്കു മുമ്പായതിനാല്‍ വന്‍ ദുരന്തം ഒഴിവായി.
ജില്ലാ ഇന്‍ഫര്‍മേഷന്‍ ഓഫിസും നെല്ലിക്കുന്ന് ഗവ.ഹയര്‍സെക്കന്‍ഡറി സ്‌കൂള്‍ ഫോര്‍ ഗേള്‍സും സംയുക്തമായി ഗാന്ധിജയന്തി വാരാഘോഷത്തിന്റെ ഭാഗമായി ഇന്നലെ ഉച്ചക്ക് ശേഷം നടത്താനിരുന്ന സംഗീത പരിപാടിക്കു വേണ്ടി ഒരുക്കിയ വേദിക്കു മുകളിലാണു കൂറ്റന്‍ മരശിഖരം ഒടിഞ്ഞു വീണത്.
മരം മാറ്റിയ ശേഷം പരിപാടി നടത്തി.