തളിപ്പറമ്പ്: വാഴത്തോട്ടം വെട്ടിനശിപ്പിച്ചു. തളിപ്പറമ്പ് കീഴാറ്റൂരിലെ പാലങ്ങാടന്‍ ഗോവിന്ദന്റെ കടയ്ക്ക് സമീപത്തുള്ള  പ്രകാശന്റെയും അനിതയുടെയും കുലച്ചതും കുലക്കാറായതുമായ അന്‍പതോളം വാഴകളാണ് കഴിഞ്ഞ ദിവസം രാത്രി സാമൂഹ്യ വിരുദ്ധര്‍ വെട്ടി നശിപ്പിച്ചത്. ഇന്നലെ രാവിലെയാണ് വീട്ടുകാര്‍ വാഴകള്‍ നശിപ്പിച്ചതായി കണ്ടത്. കഴിഞ്ഞ വര്‍ഷവും ഇതേ സമയത്ത് ഇവരുടെ വാഴകള്‍ വെട്ടിനശിപ്പിച്ചിരുന്നു. തളിപ്പറമ്പ് പൊലിസ് കേസെടുത്തു. കഴിഞ്ഞ വര്‍ഷം ഇതേ സ്ഥലത്ത് മറ്റൊരാളുടെ വാഴത്തോട്ടവും സാമൂഹ്യ വിരുദ്ധര്‍ നശിപ്പിച്ചിരുന്നു. പരാതിപ്രകാരം തളിപ്പറമ്പ് പൊലിസ് അന്വേഷണമാരംഭിച്ചു.