കോയമ്പത്തൂര്‍: കഴിഞ്ഞ ദിവസം കോയമ്പത്തൂരിലെ മേട്ടൂരിനടുത്ത് പെട്രോള്‍ ഒഴിച്ചു തീകൊളുത്തി ആത്മഹത്യക്കു ശ്രമിച്ച ഹിന്ദുമുന്നണി പ്രവര്‍ത്തകന്‍ ആനന്ദന്‍ (29) മരിച്ചു. കോയമ്പത്തൂരില്‍ കുത്തേറ്റുമരിച്ച ഹിന്ദുമുന്നണി നേതാവ് ശശികുമാറിന്റെ കൊലപാതകവുമായി ബന്ധപ്പെട്ട് പൊലിസ് അറസ്റ്റു ഭയന്നാണ് ആത്മഹത്യാ ശ്രമമെന്ന് ആനന്ദന്‍ മജിസ്‌ട്രേറ്റിനു നല്‍കിയ മൊഴിയില്‍ പറഞ്ഞിരുന്നു.
ദേഹമാസകലം പൊള്ളലേറ്റ ആനന്ദന്‍ കോയമ്പത്തൂര്‍ മെഡിക്കല്‍ കോളജ് ആശുപത്രിയിലെ തീവ്രപരിചരണ വിഭാഗത്തില്‍ ചികിത്സയിലായിരുന്നു. ഇന്നലെ വൈകിട്ടാണു മരിച്ചത്. ആനന്ദന്റെ ജ്യേഷ്ഠനും കഴിഞ്ഞ ദിവസം കുപ്പി പൊട്ടിച്ചു വയറ്റില്‍കുത്തി ആത്മഹത്യക്കു ശ്രമിച്ചിരുന്നു.