തൃക്കരിപ്പൂര്‍: ആദ്യകാല സോഷ്യലിസ്റ്റും കലാസാസ്‌കാരിക നായകനായിരുന്ന ചെറുകാനത്തെ സി കുഞ്ഞിക്കണ്ണന്റെ ആറാം ചരമ വാര്‍ഷിക ദിനാചരണം വിവിധ പരിപാടികളോടെ നടന്നു. ഇന്നലെ രാവിലെ പത്തുമണിയോടെ നടന്ന ഗൃഹ സന്ദര്‍ശനത്തോടെയാണ് പരിപാടി ആരംഭിച്ചത്. തുടര്‍ന്ന് ചെറുകാനത്ത് പ്രത്യേകം തയ്യാറാക്കിയ പന്തലില്‍ എത്തിച്ചേരുകയും പുഷ്പാര്‍ച്ചനയടക്കമുള്ള അനുസ്മരണ പരിപാടികള്‍ ആരംഭിക്കുകയും ചെയ്തു. സി കുഞ്ഞിക്കണ്ണന്‍ സ്മാരക സാംസ്‌കാരിക വേദിയുടെ നേതൃത്വത്തില്‍ നടന്ന പരിപാടിയില്‍വി.വി രാഘവന്‍ അനുസ്മരണ പ്രഭാഷണം നടത്തി. വി.കെ ചന്ദ്രന്‍ അധ്യക്ഷനായി. പി തമ്പാന്‍ നായര്‍, ടി അജിത, ടി.വി ബാലകൃഷ്ണന്‍, ടി.വി ഭാസ്‌കരന്‍, കെ ശ്രീധരന്‍,ഇ.വി ഗണേശന്‍, കാര്യത്ത് രമേശന്‍, വി.വി കൃഷ്ണന്‍, വി.വി വിജയന്‍, പി അമ്പു , ടി.വി നാരായണന്‍, പി രാജന്‍ പണിക്കര്‍, കെ പദ്മനാഭന്‍, എ പദ്മനാഭന്‍,കെ സജീവന്‍, വി ഹരിദാസന്‍ പണിക്കര്‍, ഇ ബാലകൃഷ്ണന്‍ സംസാരിച്ചു.