നെടുമങ്ങാട്: കഞ്ചാവുമായി യുവാവ് പിടിയില്‍. കോട്ടയ്ക്കകം തേക്കിന്‍കാല വിഷ്ണുനഗറില്‍ അനീഷി (28) നെയാണ് ആര്യനാട് എക്‌സൈസ് സംഘം അറസ്റ്റ് ചെയ്തത്. ഇന്നലെ ഒന്നരയോടെ വെള്ളനാട് ബ്ലോക്ക് ഓഫിസിന് സമീപത്തു നിന്ന്  70 ഗ്രാം കഞ്ചാവുമായാണ് ഇയാളെ പിടികൂടിയത്. പ്രതിയെ കോടതിയില്‍ ഹാജരാക്കി.
പൈപ്പ് പൊട്ടി
ജലം പാഴാകുന്നു
പേരൂര്‍ക്കട: പൈപ്പ് പൊട്ടി കുഴിവെള്ളം പാഴാകാന്‍ തുടങ്ങിയിട്ട് ദിവസങ്ങളായിട്ടും വാട്ടര്‍അതോറിറ്റിക്കു മൗനം. വട്ടിയൂര്‍ക്കാവ് ജങ്ഷനില്‍ ടാറിട്ട റോഡിനു മുകളിലൂടെയാണ് പൈപ്പ് പൊട്ടി കുടിവെള്ളം പാഴാകുന്നത്. റോഡിലെ ടാറിളകി കുഴി രൂപപ്പെട്ടിരിക്കുകയാണ്. തകര്‍ന്ന റോഡില്‍ വെള്ളം കെട്ടിനില്‍ക്കുന്നത് ഇരുചക്രവാഹനയാത്രികരെയും കാല്‍നടക്കാരെയും ബുദ്ധിമുട്ടിലാക്കിയിട്ടുണ്ട്.