കൊല്ലം: വില്‍പ്പനയ്ക്കായി സൂക്ഷിച്ച 150 ഓളം പായ്ക്കറ്റ് നിരോധിത പുകയില ഉല്‍പന്നങ്ങളുമായി സ്ത്രീ പിടിയിലായി.
കൊല്ലം പുള്ളിക്കട പുതുവല്‍ പുരയിടത്തില്‍ വിജയലക്ഷ്മി(65) ആണ് കൊല്ലം  ഈസ്റ്റ് പൊലിസിന്റെ പിടിയിലായത്. പുള്ളിക്കടയില്‍ വീടിനോട് ചേര്‍ന്ന കടയിലാണ് വില്‍പ്പനയ്ക്കായി  പുകയില ഉല്‍പന്നങ്ങള്‍ സൂക്ഷിച്ചിരുന്നത്. വീടിനുള്ളില്‍ പാത്രങ്ങളിലും മറ്റുമാണ് ഇവ സൂക്ഷിച്ചിരുന്നത്.
വീട്ടമ്മമാര്‍ നടത്തുന്ന കടകളില്‍ വന്‍തോതില്‍ നിരോധിത ഉല്‍പന്നങ്ങള്‍ കച്ചവടം ചെയ്തിരുന്നതായി പരാതി ലഭിച്ചിരുന്നു. കൊല്ലം ഈസ്റ്റ് എസ്.ഐ  ആര്‍. രാജേഷ് കുമാര്‍, ഗ്രേഡ് എസ്.ഐ  ഭാനു വിക്രമന്‍, എ.എസ്.ഐ സുരേഷ് കുമാര്‍, എസ്.സി.പി.ഒ അനന്‍ബാബു, സി.പി.ഒ പ്രമോദ്, വനിതാ സിവില്‍ പൊലിസ് ഓഫീസര്‍ ഗായത്രി എന്നിവരാണ് റെയ്ഡില്‍ പങ്കെടുത്തത്.