ആലത്തൂര്‍: സൂലൂരിലെ ആടുകള്‍ക്ക് മേയാന്‍ ആലത്തൂരിലെ പാടങ്ങള്‍. കോയമ്പത്തൂരില്‍ സൂലൂരില്‍ നിന്നും ആട്ടിന്‍ കൂട്ടങ്ങള്‍ തീറ്റതേടി ആലത്തൂരിലെ പാടങ്ങളില്‍ എത്തി. ഗായത്രി പുഴക്കരികിലുള്ള പാടത്താണ് മേയുന്നത്. കോയമ്പത്തൂരിലെ വരള്‍ച്ചമൂലം വെള്ളവും പുല്ലും കിട്ടാതായതിനെ തുടര്‍ന്നാണ് ഒന്നാംവിള കഴിഞ്ഞയുടനെ ആലത്തൂരിലെത്തുന്നത്. സാധാരണ രണ്ടാംവിള കൊയ്ത്തിന് ശേഷമാണ് ഇവയെത്താറുള്ളത്. ഒരു ആട്ടിന്‍കൂട്ടത്തില്‍ മുന്നൂറ് മുതല്‍ അഞ്ഞൂറ് വരെ ആടുകള്‍ ഉണ്ടായിരിക്കും.