റിയാദ്: രാജ്യങ്ങള്‍ക്കിടയില്‍ സഹകരണം ശക്തമാക്കാന്‍ ലക്ഷ്യമിട്ട് ഇന്ത്യയും-സഊദിയും സഹകരണ കൗണ്‍സില്‍ രൂപികരിച്ചു. ഇന്ത്യന്‍ വിദേശകാര്യ മന്ത്രി ഡോക്ടര്‍ സുബ്രമണ്യം ജയശങ്കറിന്റെയും സഊദി വിദേശകാര്യ മന്ത്രി ഫൈസല്‍ ബിന്‍ ഫര്‍ഹാന്‍ രാജകുമാരന്റെയും അധ്യക്ഷതയില്‍ ചേര്‍ന്ന മന്ത്രിതല സമിതി കൗണ്‍സിലിന് രൂപം നല്‍കി. സന്ദര്‍ശനത്തിനായി സഊദി വിദേശകാര്യമന്ത്രിയും സംഘവും കഴിഞ്ഞ ദിവസം ഇന്ത്യയിലെത്തിയിരുന്നു.

സഊദിയും ഇന്ത്യയും തമ്മിലുള്ള ബന്ധം വികസിപ്പിക്കുന്നതിനായി സഊദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്റെയും ഇന്ത്യന്‍ പ്രധാനമന്ത്രി നരേന്ദ്ര മോദിയുടെയും നേതൃത്വത്തില്‍ പങ്കാളിത്ത കൗണ്‍സില്‍ സ്ഥാപിക്കാന്‍ നേരത്തെ ധാരണയിലെത്തിയിരുന്നു. ഇതിന്റെ ഫലമായി സമീപ വര്‍ഷങ്ങളില്‍ ഇന്ത്യയും സഊദി അറേബ്യയും തമ്മിലുള്ള വ്യാപാര വിനിമയത്തിന്റെ അളവ് ശ്രദ്ധേയമായ വളര്‍ച്ചയ്ക്കും സാക്ഷ്യം വഹിച്ചു. ഉഭയകക്ഷി വ്യാപാര മൂല്യം കഴിഞ്ഞ വര്‍ഷം 53 ബില്യണ്‍ ഡോളറിലേക്കുയര്‍ന്നു. 

സഊദി അറേബ്യ മിഡില്‍ ഈസ്റ്റിലെ ഇന്ത്യയുടെ ഏറ്റവും വലിയ വ്യാപാര പങ്കാളികളില്‍ ഒന്നാണ്. സഊദിയില്‍ നിന്ന് ഇന്ത്യ വലിയ അളവില്‍ എണ്ണ ഇറക്കുമതി ചെയ്യുകയും അതേസമയം സഊദി അറേബ്യയിലേക്ക് മരുന്നുകള്‍, രാസവസ്തുക്കള്‍, ഭക്ഷ്യ ഉല്‍പന്നങ്ങള്‍, യന്ത്രങ്ങള്‍ തുടങ്ങി നിരവധി ചരക്കുകള്‍ കയറ്റുമതി ചെയ്യുകയും ചെയ്യുന്നുണ്ട്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

India and Saudi Arabia have established a Strategic Cooperation Council to strengthen bilateral ties, fostering collaboration in areas like trade, energy, defense, and security. This council aims to elevate the strategic partnership between the two nations, promoting mutual growth and cooperation.