അങ്കമാലി: പ്രദേശത്തെ മൂന്ന് പള്ളികളില്‍ ഭണ്ഡാരങ്ങള്‍ കുത്തിത്തുറന്ന് പണംകവര്‍ന്നു. കരയാംപറമ്പ് യാക്കോബായ പള്ളി, കരയാംപറമ്പ് കത്തോലിക്ക പള്ളി, അങ്കമാലി യാക്കോബായ കത്തീഡ്രല്‍ എന്നിവിടങ്ങളിലാണ് കവര്‍ച്ച നടന്നത്. കരയാംപറമ്പ് യാക്കോബായ പള്ളിയുടെ വടക്കുഭാഗത്തെ വാതില്‍ കുത്തിതുറന്നാണ് കള്ളന്‍ അകത്ത്് കടന്നിരിയ്ക്കുന്നത്. മത്ബഹയുടെ മുന്നിലുള്ള ഭണ്ഡാരത്തിന്റെ പൂട്ട് തകര്‍ത്ത്് പണമെടുത്തിട്ടുണ്ട്. കൂടാതെ സമീപത്തെ രണ്ട് മുറികളുടെപൂട്ട്് തകര്‍ത്ത നിലയിലാണ്. കമ്പി പാരയും ഉളിയും മറ്റുമുപയോഗിച്ചാണ് പൂട്ട്്് തകര്‍ത്തിരിയ്ക്കുന്നത്.
കരയാംപറമ്പ്് കത്തോലിക്ക പള്ളിയുടെയും, അങ്കമാലി കത്തീഡ്രലിന്റെയും പുറത്ത്് സ്ഥാപിച്ചിട്ടുള്ള ഭണ്ഡാരങ്ങളില്‍ നിന്നുമാണ് പണം കവര്‍ന്നിരിയ്ക്കുന്നത്. മോഷ്ടാവ് രണ്ട് പള്ളികളുടെയും അകത്ത് കടന്നിട്ടില്ലെന്നാണ് പൊലിസ് നിഗമനം. വിരലടയാള വിദഗ്ദ്ധര്‍ പള്ളികളിലെത്തി തെളിവെടുപ്പ്് നടത്തി.അങ്കമാലി കത്തീഡ്രലിലെ സിസിടിവി കാമറയില്‍ മോഷ്ടാവിന്റെ ചിത്രം പതിഞ്ഞിട്ടുണ്ടെന്നാണ് സൂചന. ഇന്നലെ പുലര്‍ച്ചെയാവാം സംഭവമെന്ന് പൊലിസ് പറഞ്ഞു. അന്വേഷണം ഊര്‍ജ്ജിതമാക്കി.