കോയമ്പത്തൂര്‍: ശനിയാഴ്ച ദീപാവലി ആഘോഷത്തില്‍ പടക്കങ്ങള്‍ പൊട്ടിച്ചതില്‍ സംസ്ഥാനത്തിന്റെ വിവിധ ഭാഗങ്ങളിലായി 243 സ്ഥലങ്ങളില്‍ തീപിടിത്തമുണ്ടായി. ചെന്നൈയില്‍ മാത്രം 21 സ്ഥലങ്ങളില്‍ തീപിടിച്ചു. കടലൂരില്‍ ഒരു പടക്ക വില്‍പനശാലയില്‍ തീപിടിച്ചതില്‍ ഒരാള്‍ മരിക്കുകയും മൂന്ന് പേര്‍ക്ക് ഗുരുതരമായ പൊള്ളലേല്‍ക്കുകയും ചെയ്തു. വിഴുപ്പുരത്തില്‍ റോക്കറ്റ് കണ്ണില്‍ പാഞ്ഞുകയറി 17 കുട്ടികള്‍ക്ക് കാഴ്ചശക്തി നഷ്ടമായി. 1050 കോടിയുടെ പടക്കമാണ് ദീപാവലിക്ക് തമിഴ്‌നാട്ടില്‍ വിറ്റഴിച്ചത്. 3000 കോടി രൂപയുടെ മദ്യവും ദീപാവലി ആഘോഷത്തില്‍ വില്‍പന നടത്തി.