നിലമ്പൂര്‍: നഗരസഭയെ മാലിന്യമുക്തമാക്കാന്‍ നഗരസഭ കൗണ്‍സിലര്‍മാരും രാഷ്ട്രീയ പാര്‍ട്ടി നേതാക്കളും സന്നദ്ധസംഘടനാ പ്രവര്‍ത്തകരും വിദ്യാര്‍ഥികളും അയല്‍ക്കൂട്ട പ്രവര്‍ത്തകരും കൈകോര്‍ത്തപ്പോള്‍ 28,29,30,31 തിയതികളിലായി ശേഖരിച്ചത് പതിനായിരം ചാക്കോളം മാലിന്യം.
33 ഡിവിഷനുകളില്‍ നിന്നാണ് ഇത്രയേറെ മാലിന്യങ്ങള്‍ ശേഖരിച്ചത്. ഓരോ ഡിവിഷനുകളിലെ വീടുകളില്‍ നിന്നും കടകളില്‍ നിന്നും മറ്റും ശേഖരിക്കുന്ന മാലിന്യങ്ങള്‍ നീക്കം ചെയ്യുന്നതിന് മുന്‍ കൂട്ടി തീയതി നിശ്ചയിക്കണമെന്ന ആവശ്യം ബോര്‍ഡ് യോഗത്തില്‍ ചില കൗണ്‍സിലര്‍മാര്‍ ആവശ്യപ്പെട്ടു.
കക്ഷിരാഷ്ട്രീയത്തിന് അതീതമായ പിന്തുണയാണ് ചെയര്‍പേഴ്‌സന് ലഭിച്ചത്.