നെടുമ്പാശ്ശേരി: കൊച്ചിയില്‍ നടക്കുന്ന രണ്ടാം ബ്രിക്‌സ് അന്താരാഷ്ട്ര സമ്മേളനത്തിലെ പ്രതിനിധികള്‍ നെടുമ്പാശ്ശേരി പഞ്ചായത്തില്‍ സന്ദര്‍ശനം നടത്തി. പ്രാദേശിക ഭരണത്തില്‍ ജനങ്ങള്‍ക്കുള്ള പങ്ക് പഠിയ്ക്കുന്നതിനും, നെടുമ്പാശേരി പഞ്ചായത്തില്‍ നടപ്പാക്കിയ പദ്ധതികളെക്കുറിച്ച് അറിയുന്നതിനുമാണ് സംഘം പഞ്ചായത്ത് സന്ദര്‍ശിച്ചത്. ഇന്നലെ രാവിലെ 9.30ഓടെ എത്തിയ സംഘത്തെ ജനപ്രതിനിധികളും,ഉദ്യോഗസ്ഥരും,ചേര്‍ന്ന് സ്വീകരിച്ചു. തുടര്‍ന്ന് പഞ്ചായത്ത് കോണ്‍ഫറന്‍സ് ഹാളില്‍ വിവിധ വിഭാഗങ്ങള്‍ തമ്മില്‍ സംഘം ചര്‍ച്ചനടത്തി. പഞ്ചായത്തില്‍ നടപ്പാക്കി കൊണ്ടിരിയ്ക്കുന്ന ജന പങ്കാളിത്ത വികസന പദ്ധതികള്‍ മാതൃകയാണെന്ന് സംഘാംഗങ്ങള്‍ അഭിപ്രായപെട്ടു.
പഞ്ചായത്ത് പ്രസിഡന്റ്, വൈസ് പ്രസിഡന്റ് എന്നിവര്‍ സംസാരിച്ചു.