ലണ്ടന്‍: ക്രോയിഡോണില്‍ ട്രാം പാളം തെറ്റി ഏഴ് മരണം.അന്‍പതോളം പേര്‍ക്ക് പരുക്കേറ്റു. അമിത വേഗതയിലായതാണ് ട്രാം അപകടത്തില്‍ പെടാനുണ്ടായ കാരണമെന്നാണ് പ്രാഥമിക നിഗമനം. പരുക്കേറ്റവരെ ആശുപത്രിയില്‍ പ്രവേശിപ്പിച്ചു. ഇതില്‍ എട്ട് പേരുടെ നില ഗുരുതരമാണ്.

ന്യൂ ആഡിംഗ്റ്റണില്‍ നിന്ന് വിംബിള്‍ഡണിലേക്ക് പോകുകയായിരുന്നു ട്രാമാണ് അപകടത്തില്‍പ്പെട്ടത്. സംഭവത്തില്‍ ട്രാം ഡ്രൈവറെ പൊലിസ് അറസ്റ്റ് ചെയ്തു. ഡ്രൈവര്‍ ഉറങ്ങിപോയതാണോ അപകട കാരണം എന്നും അന്വേഷിക്കുന്നുണ്ട്.