പെരിയ: കേന്ദ്ര സര്‍വകലാശാലകളുടെ പൊതുപ്രവേശന പരീക്ഷ മെയ് 21,22 തിയതികളില്‍ നടക്കുമെന്ന് കേരള കേന്ദ്രസര്‍വകലാശാല മീഡിയ റിലേഷന്‍സ് ഓഫിസര്‍ അറിയിച്ചു. കേരളത്തിലേത് ഉള്‍പ്പെടെ വിവിധ കേന്ദ്ര സര്‍വകലാശാലകളിലെ ബിരുദ, ബിരുദാനന്തരബിരുദ, എം ഫില്‍, പി.എച്ച്.ഡി കോഴ്‌സുകളിലേക്കുള്ള പൊതുപ്രവേശന പരീക്ഷയാണ് (സി.യു.സി.ഇ.ടി)നടക്കുന്നത്.

കേരളത്തില്‍ കാസര്‍കോട്, കോഴിക്കോട്, തൃശൂര്‍, കൊച്ചി, കോട്ടയം, തിരുവനന്തപുരം എന്നിവയാണ് പരീക്ഷാ കേന്ദ്രങ്ങള്‍. പരീക്ഷക്ക് വേണ്ടി അപേക്ഷിച്ച വിദ്യാര്‍ഥികള്‍ സിയുസിഇടി16.കോ.ഇന്‍ എന്ന വെബ്‌സൈറ്റില്‍ നിന്ന് അഡ്മിഷന്‍ ഹാള്‍ടിക്കറ്റ് ഡൗണ്‍ലോഡ് ചെയ്ത് ആവശ്യമായ രേഖകള്‍ സഹിതം ഹാള്‍ടിക്കറ്റിലെ നിര്‍ദേശങ്ങള്‍ പ്രകാരം ഹാജരാകേണ്ടതാണ്. വിശദ വിവരങ്ങള്‍ സിയുകേരള.എസി.ഇന്‍ എന്ന വെബ്‌സൈറ്റിലും ലഭ്യമാണ്.