ചെറുപുഴ: പയ്യന്നൂര്‍ നിയോജക മണ്ഡലം എല്‍.ഡി.എഫ് സ്ഥാനാര്‍ഥി സി കൃഷ്ണന്റെ വിജയത്തില്‍ ആഹ്ലാദം പ്രകടിപ്പിച്ച് എല്‍.ഡി.എഫ് പ്രവര്‍ത്തകര്‍ വിവിധ സ്ഥലങ്ങളില്‍ ആഹ്‌ളാദ പ്രകടനം നടത്തി. രാവിലെ മുതല്‍ തന്നെ ചെങ്കൊടികളുമേന്തി വാഹനങ്ങളില്‍ കയറി പ്രകടനം ആരംഭിച്ചിരുന്നു. പുളിങ്ങോം, ചുï ചെറുപുഴ, പ്രാപ്പൊയില്‍, തിരുമേനി തുടങ്ങിയ ടൗണുകളില്‍ പ്രകടനം നടന്നു. വൈകുന്നേരം അഞ്ചോടെ സി കൃഷ്ണനു ചെറുപുഴ ടൗണില്‍ സ്വീകരണം നല്‍കി. പ്രകടനത്തിനു പി കൃഷ്ണന്‍, എം.ടി.പി നുറുദ്ദീന്‍, ടി.വി കുഞ്ഞിക്കണ്ണന്‍, കെ.കെ ജോയി, കെ.എം ഷാജി, ആര്‍.കെ പത്മനാഭന്‍, എം.വി ശശി, സി ഗോപിനാഥ് തുടങ്ങിയവര്‍ നേതൃത്വം നല്‍കി.