തിരുവനന്തപുരം: ന്യൂഡല്‍ഹിയില്‍ നടന്ന ദേശീയ സ്‌കൂള്‍ കലോത്സവത്തില്‍ ആര്‍.എം.എസ്.എ കേരളയെ പ്രതിനിധീകരിച്ച് തൃശൂര്‍ വിവേകോദയം എച്ച്.എസ്.എസിലെ വിദ്യാര്‍ഥികള്‍ അവതരിപ്പിച്ച കൂടിയാട്ടത്തിന് നാടക ഇനത്തില്‍ രണ്ടാം സമ്മാനം ലഭിച്ചു. ആദ്യമായാണ് കേരളത്തിന് ദേശീയ സ്‌കൂള്‍ കലോത്സവത്തില്‍ സമ്മാനം ലഭിക്കുന്നത്. 29 സംസ്ഥാനങ്ങളിലെയും എട്ട് കേന്ദ്രഭരണ പ്രദേശങ്ങളിലെയും ടീമുകള്‍ മത്സരത്തില്‍ പങ്കെടുത്തു.