വിശാഖപട്ടണം: ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റില്‍ ഇന്ത്യയ്ക്ക് 246 റണ്‍സിന്റെ തകര്‍പ്പന്‍ ജയം. അവസാന ദിനം ഇംഗ്ലണ്ട് രണ്ടാം ഇന്നിംഗ്‌സില്‍ 158 റണ്‍സിന് ഓള്‍ ഔട്ടായി. മൂന്ന് വിക്കറ്റ് വീതം നേടിയ ജയന്ത് യാദവ്, ആര്‍.അശ്വിന്‍ എന്നിവരാണ് ഇംഗ്ലണ്ടിനെ തകര്‍ത്തത്. മുഹമ്മദ് ഷമിയും രവീന്ദ്ര ജഡേജയും രണ്ടു വീതം വിക്കറ്റുകള്‍ വീതം വീഴ്ത്തി.

രണ്ടിന് 87 റണ്‍സ് എന്ന നിലയിലാണ് ഇംഗ്ലണ്ട് ബാറ്റിങ് തുടങ്ങിയത്. എന്നാല്‍ 71 റണ്‍സെടുക്കുന്നതിടെ ബാക്കിയുള്ള എട്ടു വിക്കറ്റുകളും ഇംഗ്ലണ്ട് നഷ്ടപ്പെടുത്തുകയായിരുന്നു. ആദ്യ ഇന്നിംഗ്‌സില്‍ സെഞ്ചുറിയും രണ്ടാം ഇന്നിംഗ്‌സില്‍ അര്‍ധ സെഞ്ചുറിയും നേടിയ ക്യാപ്റ്റന്‍ വിരാട് കോഹ്ലിയാണ് മാന്‍ ഓഫ് ദ മാച്ച്. ഇതോടെ ഇന്ത്യ അഞ്ച് മത്സരങ്ങളുടെ പരമ്പരയില്‍ 1-0ന് മുന്നിലെത്തി.