മങ്കട: പരിയാപുരം 18ാം നമ്പര്‍ അങ്കണവാടി പരിയാപുരം സെന്റ് മേരീസ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് വിദ്യാര്‍ഥികള്‍ മോടിപിടിപ്പിച്ചു. പരിസരമെല്ലാം വൃത്തിയാക്കി കെട്ടിടം പെയിന്റടിച്ച് മുറ്റത്തു കളിയൂഞ്ഞാലൊരുക്കിയിട്ടുണ്ട്.
സൈക്കിളുകളും കളിക്കോപ്പുകളും മുറ്റം നിറയെ സന്തോഷ വര്‍ത്തമാനങ്ങള്‍ക്കുമൊപ്പം പായസവും വച്ചുനല്‍കി. സുമനസുകളില്‍നിന്നു സംഭാവനകള്‍ സ്വീകരിച്ചും പോക്കറ്റുമണി സ്വരൂപിച്ചുമാണ് വിദ്യാര്‍ഥികള്‍ കളിമുറ്റമൊരുക്കിയത്. സ്‌നേഹ കൂട്ടായ്മ സ്‌കൂള്‍ മാനേജര്‍ ഡോ. ജേക്കബ് കുത്തൂര്‍ ഉദ്ഘാടനം ചെയ്തു. പഞ്ചായത്തംഗം ഏലിയാമ്മ തോമസ് അധ്യക്ഷയായി.