കരുനാഗപ്പള്ളി: തെരുവുനായുടെ ആക്രമണത്തില്‍ ബൈക്ക് യാത്രികനു ഗുരുതര പരുക്ക്.
പതാരം കിടങ്ങയം വെട്ടയേക്കാട്ട് അബീഷിനെയാ(32)ണ് പരുക്കേറ്റത്. കഴിഞ്ഞ ദിവസം വൈകിട്ട് ആറിനായിരുന്നു സംഭവം. ബൈക്കില്‍ വരുന്നതിനിടെ തൊടിയൂര്‍ പാലത്തിന് സമീപത്തു വെച്ച് നായ ചാടിവീണു. നിയന്ത്രണം വിട്ട് ബൈക്കില്‍ നിന്നും വീണ അബീഷിനെ നായ ആക്രമിക്കുകയായിരുന്നു.വീഴ്ചയില്‍ വലത് കൈ ഒടിയുകയും ചെയ്തു. ഇയാളെ കരുനാഗപ്പള്ളി താലൂക്കാശുപത്രിയിലും അവിടെ നിന്നും കൊല്ലം ജില്ലാ ആശുപത്രിയിലും പ്രവേശിപ്പിച്ചു.