ചുണ്ടേല്‍: 36ാമത് വൈത്തിരി ഉപജില്ലാ സ്‌കൂള്‍ കലോത്സവം ചുണ്ടേല്‍ ആര്‍.സി ഹൈസ്‌കൂളില്‍ ആരംഭിച്ചു. കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍ ഉദ്ഘാടനം ചെയ്തു. എ.ഇ.ഒ ഇന്‍ചാര്‍ജ് കെ.പി മോഹനന്‍ പതാക ഉയര്‍ത്തി. വൈത്തിരി ഗ്രാമപഞ്ചായത്ത് പ്രസിഡന്റ് വി ഉഷാകുമാരി അധ്യക്ഷയായി. ജില്ലാ പഞ്ചായത്തംഗം പി.എന്‍ വിമല, ബ്ലോക്ക് പഞ്ചായത്തംഗങ്ങളായ ജിന്‍സി സണ്ണി, ഉഷാതമ്പി, ഗ്രാമപഞ്ചായത്ത് വൈസ് പ്രസിഡന്റ് യു.സി ഗോപി, ഗ്രാമപഞ്ചായത്തംഗങ്ങളായ ഡോളി ജോസ്, സലീം മേമന, സഫിയ, സ്‌കൂള്‍ മാനേജര്‍ ഫാദര്‍ മാര്‍ട്ടിന്‍ ഇലഞ്ഞിപ്പറമ്പില്‍, ഹയര്‍ സെക്കന്‍ഡറി കോ.ഓഡിനേറ്റര്‍ കെ.കെ വര്‍ഗീസ്, എച്ച്.എം ഫോറം സെക്രട്ടറി കെ അശോക് കുമാര്‍, ആര്‍.സി എച്ച്.എസ് എസ് പി ടി എ പ്രസിഡന്റ് പി ഡി മൈക്കിള്‍, തെസ്‌നി അഷ്‌റഫ്, എം മുജീബ്, വി ദിനേശ്കുമാര്‍ പ്രസംഗിച്ചു. ജില്ലാ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എ ദേവകി കലോത്സവ ലോഗോ തയ്യാറാക്കിയ പൂര്‍വ വിദ്യാര്‍ഥി അജിത് രവിക്ക് ഉപഹാരം നല്‍കി. ഏഴു വേദികളിലായാണ് മത്സരങ്ങള്‍ നടക്കുന്നത്.
മാനന്തവാടി: ഒന്‍പതാമത് മാനന്തവാടി ഉപജില്ലാ സ്‌കൂള്‍ കലാമേള തരുവണ ഗവ. ഹയര്‍ സെക്കന്‍ഡറി സ്‌കൂളില്‍ ആരംഭിച്ചു. അഞ്ച് ദിവസങ്ങളിലായി നടക്കുന്ന കലാമേളയില്‍ സ്റ്റേജിതര മത്സരങ്ങളായ ചിത്ര രചന, കാര്‍ട്ടൂണ്‍, ഉപന്യാസം, കവിതാ കഥാ രചനകള്‍ തുടങ്ങിയ മത്സരങ്ങളാണ് ആദ്യ ദിവസം നടന്നത്. ഇന്ന് ബാന്റ് മേളം, കാവ്യകേളി, അക്ഷരശ്ലോകം, ഉറുദു പ്രസംഗം തുടങ്ങിയ മത്സരങ്ങള്‍ നടക്കും. വൈകുന്നേരം തരുവണയില്‍ കലാമേളാ വിളംബര ജാഥയും നടക്കും. തിങ്കളാഴ്ച വൈകുന്നേരം മൂന്ന് മണിക്ക് മേളയുടെ ഔദ്യോഗിക ഉദ്ഘാടനം വിദ്യാഭ്യാസ മന്ത്രി സി രവീന്ദ്രനാഥ് നിര്‍വഹിക്കും. തുടര്‍ന്നുള്ള മൂന്ന് ദിവസങ്ങളിലായി സ്‌റ്റേജിന മത്സരങ്ങള്‍ നടക്കും. ഉപ ജില്ലയിലെ നൂറിലധികം വിദ്യാലയങ്ങളില്‍ നിന്നായി 5000 ത്തോളം വിദ്യാര്‍ഥികള്‍ മേളയില്‍ പങ്കെടുക്കും. ഉദ്ഘാടന ചടങ്ങില്‍ എ.ഇ.ഒ കെ രമേശ് പതാക ഉയര്‍ത്തി. വെള്ളമുണ്ട പഞ്ചായത്ത് പ്രസിഡന്റ് പി തങ്കമണി, വെസ് പ്രസിഡന്റ് ആന്‍ഡ്രൂസ് ജോസഫ്, വാര്‍ഡ്‌മെമ്പര്‍ ഇ.വി സിദ്ധീഖ്, മേളാ കണ്‍വീനര്‍ എസ്.എ സെലിന്‍, പി.ടി.എ പ്രസിഡന്റ് കെ.കെ അബ്ദുല്ല തുടങ്ങയവര്‍ ചടങ്ങില്‍ പങ്കെടുത്തു.