പേരാമ്പ്ര: പന്തിരിക്കരയിലെ വീട്ടുവളപ്പില്‍ ഉണങ്ങാനിട്ടിരുന്ന അടയ്ക്ക മോഷണം പോയതായി പരാതി. പ്രദേശത്ത് പലയിടത്തും റബര്‍ ഷീറ്റും തേങ്ങയും മോഷണം പതിവായിട്ടുണ്ട്. ചങ്ങരോത്ത് പഞ്ചായത്തിലെ ചവറംമൂഴി ജാനകിക്കാട് അക്വഡേറ്റിനു സമീപം താമസിക്കുന്ന കുഴിച്ചൂര്‍ മണ്ണില്‍ താഴെ രാജന്റെ 40 കിലോ തൂക്കം വരുന്ന രണ്ടു ചാക്ക് അടക്കയാണ് കഴിഞ്ഞ ദിവസം നഷ്ടപ്പെട്ടത്. ഉടമ പെരുവണ്ണാമൂഴി പൊലിസില്‍ പരാതി നല്‍കി. ടൂറിസ്റ്റുകളെന്ന പേരില്‍ പുറമേ നിന്നെത്തുന്ന ചിലര്‍ സാമൂഹ്യ വിരുദ്ധ പ്രവര്‍ത്തനങ്ങള്‍ നടത്തുന്നതായി മുന്‍പെ ആക്ഷേപമുണ്ട്. പൊലിസ് പട്രോളിങ് ശ
ക്തമാക്കണമെന്നും ആവശ്യമുയര്‍ന്നിട്ടുണ്ട്.
പകല്‍ സമത്ത് വീടുകള്‍ കയറി പല സാധനങ്ങളും വില്‍പന നടത്തുന്ന സംഘങ്ങള്‍ വര്‍ധിച്ചതായും നിര്‍ബന്ധിച്ച് വില്‍പനയ്ക്ക് ശ്രമിക്കുന്നതായും പരാതിയുണ്ട്.