ന്യൂയോര്‍ക്ക്: ടൈം മാഗസിന്റെ 2016 പേഴ്‌സന്‍ ഓഫ് ദി ഇയര്‍ പട്ടികയില്‍ പ്രധാനമന്ത്രി നരേന്ദ്രമോദി മുന്നില്‍. ഞായറാഴ്ച അര്‍ധരാത്രി അവസാനിച്ച വോട്ടെടുപ്പില്‍ ആകെ പോള്‍ ചെയ്ത വോട്ടിന്റെ 18 ശതമാനമാണ് മോദി സ്വന്തമാക്കിയതെന്ന് മാഗസിന്‍ അറിയിച്ചു.
അവാര്‍ഡ് ജേതാവിനെ നാളെയാണു പ്രഖ്യാപിക്കുക. എതിരാളികളെ ഏറെ പിന്നിലാക്കിയാണ് മോദി പട്ടികയില്‍ ഒന്നാമതായത്. അമേരിക്കന്‍ പ്രസിഡന്റ് ബരാക് ഒബാമ, നിയുക്ത പ്രസിഡന്റ് ഡൊണാള്‍ഡ് ട്രംപ്, വിക്കിലീക്ക്‌സ് തലവന്‍ ജൂലിയന്‍ അസാഞ്ചെ എന്നിവര്‍ ഏഴു ശതമാനം വീതം വോട്ടാണു നേടിയത്. ഫേസ്ബുക്ക് തലവന്‍ മാര്‍ക്ക് സുക്കര്‍ബര്‍ഗിന് രണ്ടും ഹിലരി ക്ലിന്റന് നാലും ശതമാനം വോട്ടുകള്‍ ലഭിച്ചു.