ചടയമംഗലം: അയ്യപ്പ ഭക്തന്മാര്‍ സഞ്ചരിച്ച കാറും ലോറിയും കൂട്ടിയിടിച്ച് പത്തുപേര്‍ക്ക് പരുക്ക്. ഇന്നലെ പകല്‍ 3.15ന് എം.സി റോഡില്‍ നിലമേല്‍ മുരുക്കുമണ്‍ ജങ്ഷന് സമീപത്തായിരുന്നു അപകടം.
ശബരിമല ദര്‍ശനം കഴിഞ്ഞ് മടങ്ങിയ തമിഴ്‌നാട് സ്വദേശികള്‍ സഞ്ചരിച്ച കാറും കോട്ടയം ഭാഗത്തേക്ക് പോയ ലോറിയുമാണ് കൂട്ടിയിടിച്ചത്.
നാഗര്‍കോവില്‍ സ്വദേശികളായ സതീഷ്(31), അജിത് പ്രകാശ് (25), ധ്യാനമൂര്‍ത്തി (35), മോനിഷ് (8), അസന്‍ പ്രകാശ് (11), പ്രതീപ് (20), അഭിഷേക് (16), വിഗ്നേഷ് (31), ലോറിഡ്രൈവര്‍ കോട്ടയം മന്‍ട്രോയല്‍ വീട്ടില്‍ ബെന്നി
മാത്യൂസ് (44), സഹായി എറണാകുളം ഇലഞ്ഞി പറകïംവിള വീട്ടില്‍ സണ്ണി(41) എന്നിവര്‍ക്കാണ് പരുക്കേറ്റത്. ഇവരെ വെഞ്ഞാറമൂട് ഗോകുലം മെഡിക്കല്‍ കോളജില്‍ പ്രവേശിപ്പിച്ചു.
ഇടിയുടെ ആഘാതത്തില്‍ നിയന്ത്രണം വിട്ട ലോറി മറ്റൊരു കാറില്‍ ഇടിച്ച ശേഷം മറിഞ്ഞു. ലോറിയുടെ ടയര്‍ ഊരിത്തെറിച്ചു. ഓടിയെത്തിയ നാട്ടുകാരാണ് വാഹനത്തില്‍ നിന്നും യാത്രക്കാരെ പുറത്തെടുത്തത്. കടയ്ക്കലെ അഗ്നിശമനസേനയും ചടയമംഗലം പോലിസും രക്ഷാപ്രവര്‍ത്തനങ്ങള്‍ക്ക് നേതൃത്വം നല്‍കി.