വേങ്ങര: എസ്.കെ.എസ്.എസ്.എഫ് ജില്ലാ കമ്മിറ്റിയുടെ സമര്‍ഖന്ദ് ഭവനപദ്ധതിയിലുള്‍പ്പെടുത്തി നിര്‍മിച്ച ആദ്യഭവനത്തിന്റെ താക്കോല്‍ദാനം പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിച്ചു. കുന്നുംപുറം മേഖലയിലെ പാലമത്തില്‍ച്ചിന യൂനിറ്റ് സഹചാരി സെല്ലാണ് വീട് നിര്‍മിച്ചുനല്‍കിയത്. ജില്ലാപ്രസിഡന്റ് സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി അധ്യക്ഷനായി.
സയ്യിദ് സലീം കോയ തങ്ങള്‍ പ്രാര്‍ഥന നടത്തി. സയ്യിദ് ഹാശിറലി ശിഹാബ് തങ്ങള്‍, സയ്യിദ് നിയാസലി ശിഹാബ് തങ്ങള്‍, ഷഹീര്‍ അന്‍വരി പുറങ്ങ്, അബ്ദുല്ല അല്‍ ഖാസിമി, അബ്ദുല്‍ഖാദര്‍ ഫൈസി കുന്നുംപുറം, എ.പി ഹസന്‍ മാസ്റ്റര്‍, മാട്ര കമ്മുണ്ണി ഹാജി, ഇല്യാസ് ഫൈസി, പി.പി യൂസുഫ് ഹാജി, പി.പി റഹീം ഹാജി, എ.പി അസീസ്, നൗഷാദ് ചെട്ടിപ്പടി, മുഹമ്മദലി പുളിക്കല്‍, ദുല്‍ഫുഖാര്‍ അലി, മുഹമ്മദ് കുട്ടി ദാരിമി, എം.കെ മുഹമ്മദ് കുട്ടി, നൗഫല്‍ എ.പി സംസാരിച്ചു.