കൂത്തുപറമ്പ്: ചിറ്റാരിപ്പറമ്പിലെ സി.പി.എം പ്രാദേശിക നേതാവ് ജി പവിത്രന്‍ വധക്കേസില്‍ ആര്‍.എസ്.എസ് പ്രവര്‍ത്തകന്‍ മാഹി ചെമ്പ്രയിലെ സുബീഷി(30)ന്റെ റിമാന്‍ഡ് കാലാവധി അടുത്ത മാസം ആറു വരെ കോടതി നീട്ടി. ഇന്നലെ രാവിലെയാണ് സുബീഷിനെ കൂത്തുപറമ്പ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയത്. കസ്റ്റഡിയിലെടുത്ത് പൊലിസ് മര്‍ദിച്ചുവെന്ന് കാണിച്ച് സുബീഷ് കോടതിയില്‍ നല്‍കിയ സ്വകാര്യ അന്യായപ്രകാരം മൊഴിയെടുക്കുന്നതും ആറിലേക്ക് മാറ്റി.