നിലമ്പൂര്‍: കാട്ടുമുണ്ടയില്‍ വനംവകുപ്പിന്റെ ജീപ്പും സ്വകാര്യ കാറും കൂടിയിടിച്ച് കാര്‍ യാത്രക്കാരായ മൂന്നു പേര്‍ക്ക് സാരമായി പരുക്കേറ്റു, വാണിയമ്പലം ശാന്തിനഗര്‍ തലക്കോട്ടുപുറത്ത് മുഹമ്മദ് (50), മകള്‍ ഫര്‍സാന (20), ബന്ധു കുറുമ്പലങ്ങോടിലെ മുള്ളന്‍ ഉസ്മാന്റെ മകന്‍ മിദ്‌ലാജ് (10) എന്നിവര്‍ക്കാണ് പരുക്കേറ്റത്.
ഇവരെ നിലമ്പൂര്‍ ജില്ലാ ആശുപത്രിയില്‍ പ്രവേശിപ്പിച്ചെങ്കിലും പിന്നീട് പെരിന്തല്‍മണ്ണയിലെ സ്വകാര്യ ആശുപത്രിയിലേക്കു മാറ്റി. മുഹമ്മദിനും മിദ്‌ലാജിനും തലയ്ക്കാണ് പരുക്കേറ്റിട്ടുള്ളത്. ഫര്‍സാനയുടെ കാലിനാണ് പരുക്ക്. ഇന്നലെ ഉച്ചയ്ക്കു രണ്ടരയോടെ കാട്ടുമുണ്ട ചെമ്മരത്തുവച്ചാണ് അപകടം നടന്നത്. ബന്ധുവിന്റെ വീട്ടിലെ ഒരു ചടങ്ങില്‍ പങ്കെടുത്തു ശാന്തിനഗറിലെ വീട്ടിലേക്കു കാറില്‍ മടങ്ങുന്നതിനിടെയാണ് അപകടം.
നിലമ്പൂര്‍ ഭാഗത്തേക്ക് വരികയായിരുന്ന എടവണ്ണ റെയ്ഞ്ച് പരിധിയിലെ വനംവകുപ്പ് ജീപ്പുമായാണ് കൂടിയിടിച്ചത്.