നാദാപുരം: സംസ്ഥാന സര്‍ക്കാര്‍ ശുചിത്വമിഷനുമായി ചേര്‍ന്നു നടപ്പിലാക്കുന്ന ഹരിതകേരളം പദ്ധതിയുടെ ഭാഗമായുള്ള കലാജാഥക്ക് നാദാപുരത്തു സ്വീകരണം നല്‍കി. ബ്ലോക്ക് പഞ്ചായത്ത് പ്രസിഡന്റണ്ട് സി.എച്ച് ബാലകൃഷ്ണന്‍, പഞ്ചായത്ത് പ്രസിഡന്റണ്ടുമാരായ കെ. അച്യുതന്‍, എം.കെ സഫീറ. ബ്ലോക്ക് മെമ്പര്‍ എ. ആമിന ടീച്ചര്‍, കെ. ചന്തു മാസ്റ്റര്‍, കെ.പി കൃഷ്ണന്‍, പി.കെ ദാമു എന്നിവര്‍ നേതൃത്വം നല്‍കി.
കുറ്റ്യാടി: ഹരിതകേരളം എക്‌സ്പ്രസിന് കുറ്റ്യാടി പഞ്ചായത്തിന്റെ നേതൃത്വത്തില്‍ സ്വീകരണം നല്‍കി. പഞ്ചായത്ത് പ്രസിഡന്റ് സി.എന്‍ ബാലകൃഷ്ണന്‍ ഉദ്ഘാടനം ചെയ്തു. ഇ.കെ നാണു, ടി.കെ ദാമോധരന്‍ സംസാരിച്ചു. സ്‌കൂള്‍ കുട്ടികള്‍ ഉള്‍പ്പെടെ നൂറുകണക്കിന് ആളുകള്‍ ജാഥാംഗങ്ങള്‍ അവതരിപ്പിച്ച കലാപരിപാടികള്‍ കാണാനെത്തിയിരുന്നു.