തിരൂര്‍: വര്‍ഷങ്ങളുടെ ഇടവേളയ്ക്ക് ശേഷം തിരൂര്‍ രാജീവ് ഗാന്ധി മുനിസിപ്പല്‍ സ്റ്റേഡിയം ടൂര്‍ണമെന്റിന് വേദിയാകുന്നു. ജില്ലാ ഡി ഡിവിഷന്‍ ഫുട്‌ബോള്‍ ടൂര്‍ണമെന്റിനാണ് ഞാറാഴ്ച സ്റ്റേഡിയത്തില്‍ തുടക്കമാകുന്നത്. വൈകിട്ട് നാലിന് ജില്ലാ ഫുട്‌ബോള്‍ അസോസിയേഷന്‍ സെക്രട്ടറി സുരേന്ദ്രന്‍ പതാക ഉയര്‍ത്തും.
മുനിസിപ്പല്‍ ചെയര്‍മാന്‍ അഡ്വ: എസ്.ഗിരിഷ് ഉദ്ഘാടനം ചെയ്യും. തിരൂരിലെ പ്രമുഖ ക്ലബുകളായ മയൂര എഫ്.സി, സാറ്റ് എഫ് .സി എന്നിവയ്ക്ക് പുറമേ ഫാല്‍ക്കണ്‍ വള്ളിക്കുന്ന്, ഖാദറലി ക്ലബ് പെരിന്തല്‍മണ്ണ, സോക്കര്‍ മലപ്പുറം, പ്രസിഡന്റ്‌സ് പെരിന്തല്‍മണ്ണ എന്നീ ആറ് ക്ലബുകള്‍ ടൂര്‍ണ്ണമെന്റില്‍ മത്സരിക്കുമെന്ന് ജലീല്‍ മയൂര, വി.പി.ഉമ്മര്‍, വി.മൊയ്തീന്‍ കുട്ടി .എ .ഹമീദ്, പി.ഇബ്രാഹിം മോന്‍ വാര്‍ത്താ സമ്മേളനത്തില്‍ അറിയിച്ചു.