കൊടുവള്ളി: കെ.എസ്.ടി.യു റവന്യു ജില്ലാ സമ്മേളനം 20, 21 തിയതികളില്‍ കൊടുവള്ളി പി.പി അബ്ദുറഹ്മാന്‍ മാസ്റ്റര്‍ നഗറില്‍ നടക്കുമെന്ന് സ്വാഗതസംഘം ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. പ്രതിനിധി സമ്മേളനം 20ന് വൈകിട്ട് നാലിന് മുസ്‌ലിം ലീഗ് സംസ്ഥാന വൈസ് പ്രസിഡന്റ് സി. മോയിന്‍കുട്ടി ഉദ്ഘാടനം ചെയ്യും.
കൊടുവള്ളി മുനിസിപ്പല്‍ വൈസ് ചെയര്‍മാന്‍ എ.പി മജീദ് മാസ്റ്റര്‍ അധ്യക്ഷനാകും. കെ.എസ്.ടി.യു സംസ്ഥാന ജനറല്‍ സെക്രട്ടറി എ.കെ സൈനുദ്ദീന്‍ മുഖ്യാതിഥിയായിരിക്കും.
വൈകിട്ട് ആറിനു നടക്കുന്ന പി.പി അബ്ദുറഹ്മാന്‍ മാസ്റ്റര്‍ അനുസ്മരണം വി.എം ഉമര്‍ മാസ്റ്റര്‍ ഉദ്ഘാടനം ചെയ്യും. തുടര്‍ന്നു നടക്കുന്ന കുടുംബ സംഗമവും ഇശല്‍ വിരുന്നും എം.എ റസാഖ് മാസ്റ്റര്‍ ഉദ്ഘാടനം ചെയ്യും.
വാര്‍ത്താസമ്മേളനത്തില്‍ എ.പി മജീദ് മാസ്റ്റര്‍, ടി.പി അബ്ദുല്‍ ഗഫൂര്‍, പി.കെ അസീസ്, വി.കെ മുഹമ്മദ് റഷീദ്, മുഹമ്മദലി കല്ലൂര്‍, കെ.എം.എ നാസര്‍, ഫൈസല്‍ പടനിലം, എ.കെ കൗസര്‍, പി.ടി ഷാജിര്‍, സി. ഖാദര്‍ പങ്കെടുത്തു.