ലഖ്‌നോ: അഖിലേഷ് യാദവ് സര്‍ക്കാറിനെ നയിച്ചിരുന്നത് ക്രിമിനലുകളും വര്‍ഗീയ ചേരിതിരിവുണ്ടാക്കുന്നവരുമാണെന്ന ആരോപണത്തിന് പിന്നാലെ എസ്.പിയുമായുള്ള സഖ്യത്തില്‍ കോണ്‍ഗ്രസിന് ഒരു നേട്ടവും ഉണ്ടാക്കാനാകില്ലെന്ന് ബി.എസ്.പി അധ്യക്ഷ മായാവതി.
തെരഞ്ഞെടുപ്പില്‍ സഖ്യസാധ്യതയുമായി നിരവധി കോണ്‍ഗ്രസ് നേതാക്കള്‍ തങ്ങളെ സമീപിക്കുന്നുണ്ടെന്നും മായാവതി പറഞ്ഞു. അഖിലേഷുമായി സഖ്യമുണ്ടാക്കുന്നതിനോട് വലിയൊരു വിഭാഗം കോണ്‍ഗ്രസ് പ്രവര്‍ത്തകര്‍ക്കും താല്‍പര്യമില്ലെന്നും അവര്‍ വ്യക്തമാക്കി.
മതേതരത്വമാണ് കോണ്‍ഗ്രസ് ആഗ്രഹിക്കുന്നതെങ്കില്‍ അവര്‍ എസ്.പിയുമായി സഖ്യത്തിന് ശ്രമിക്കരുതെന്നാണ് തന്റെ അഭിപ്രായമെന്ന് മായാവതി പറഞ്ഞു. മതനിരപേക്ഷയെക്കുറിച്ച് പറയുന്ന കോണ്‍ഗ്രസ്, എസ്.പിയുമായി ചേര്‍ന്ന് എങ്ങനെ ജനങ്ങളെ അഭിമുഖീകരിക്കുമെന്നും അവര്‍ ചോദിച്ചു.