മലപ്പുറം: ജനുവരി 11ന് കൂരിയാട്ട് നടക്കുന്ന ആദര്‍ശ കാംപയിന്‍ ഉദ്ഘാടന സമ്മേളത്തിനു ജില്ലയില്‍ ഒരുക്കങ്ങള്‍ തുടങ്ങി. പൂക്കോട്ടൂര്‍ പഞ്ചായത്തില്‍ മഹല്ല് ഖത്വീബുമാരുടെ നേതൃത്വത്തില്‍ പദയാത്ര നടത്താന്‍ തീരുമാനിച്ചു. ഏഴിന് അസ്വര്‍ നിസ്‌കാരത്തിനു ശേഷം പൂക്കോട്ടൂര്‍ ജുമാമസ്ജിദില്‍നിന്ന് ആരംഭിക്കുന്ന പദയാത്ര വള്ളുവമ്പ്രത്തു സമാപിക്കും.
പഞ്ചായത്തിലെ മുഴുവന്‍ ഖത്വീബുമാരും മദ്‌റസാ സ്വദര്‍ മുഅല്ലിംകളും ഉള്‍പ്പെടെ 33 പണ്ഡിതന്‍മാര്‍ നേതൃത്വം നല്‍കും. മഹല്ലുകളിലെ ബഹുജനങ്ങള്‍ യാത്രയില്‍ അണിചേരും. ഇതുസംബന്ധിച്ച് പഞ്ചായത്തിലെ ഖത്വീബുമാരുടെയും സ്വദ്ര്‍ മുഅല്ലിമുകളുടെയും മഹല്ല് ഭാരവാഹികളുടെയും യോഗം നാളെ രാവിലെ 9.30ന് അറവങ്കര ടൗണ്‍ മദ്‌റസയില്‍ ചേരും.