തളിപ്പറമ്പ്: നവീകരിച്ച ചെനയന്നൂര്‍ ജുമാമസ്ജിദിന്റെയും നൂറുല്‍ ഹുദാ മദ്‌റസയുടെയും ഉദ്ഘാടനം 6ന് വൈകുന്നേരം നാലിന് പാണക്കാട് ഹൈദരലി ശിഹാബ് തങ്ങള്‍ നിര്‍വഹിക്കും. അസര്‍ നിസ്‌കാരത്തിന് ഹൈദരലി ശിഹാബ് തങ്ങള്‍ നേതൃത്വം നല്‍കും. നാളെ വൈകുന്നേരം നാലിന് മജ്‌ലിസുന്നൂറിന് സയ്യിദ് സ്വഫ്‌വാന്‍ തങ്ങള്‍ ഏഴിമല നേതൃത്വം നല്‍കും. തുടര്‍ന്ന് സ്ത്രീകളുടെ പള്ളി സന്ദര്‍ശനം. 6.45ന് കലാസാഹിത്യ വിരുന്ന് സയ്യിദ് മുസ്തഫ പൂക്കോയ തങ്ങള്‍ ഉദ്ഘാടനം ചെയ്യും. ശനിയാഴ്ച വൈകുന്നേരം 6.30 ന് പൊതുസമ്മേളനം സമസ്ത കേരള ജംഇയ്യത്തുല്‍ ഉലമ സെക്രട്ടറി പി.പി ഉമ്മര്‍ മുസ്‌ലിയാര്‍ ഉദ്ഘാടനം ചെയ്യും. ചെനയന്നൂര്‍ മഹല്ല് ജമാഅത്ത് പ്രസിഡന്റ് കെ.പി മുഹമ്മദ് കുഞ്ഞി ഹാജി അധ്യക്ഷനാകും. സുവനീര്‍ പ്രകാശനം തളിപ്പറമ്പ് നഗരസഭ ചെയര്‍മാന്‍ മഹമൂദ് അള്ളാംകുളം നിര്‍വഹിക്കും. ഏഴിന് വൈകുന്നേരം 6.45 ന് മതപ്രഭാഷണം തളിപ്പറമ്പ് വലിയ ജുമാഅത്ത് പള്ളി ഖത്തീബ് ഉമര്‍ നദ്‌വി തോട്ടീക്കല്‍ ഉദ്ഘാടനം ചെയ്യും. അബ്ദുല്‍ അസീസ് അശ്‌റഫി പാണത്തൂര്‍ പ്രഭാഷണം നടത്തും. എട്ടിന് വൈകുന്നേരം 6.45 ന് മതപ്രഭാഷണം കെ.സി അബ്ദുല്‍ ഷുക്കൂര്‍ ഫൈസി ഉദ്ഘാടനം ചെയ്യും. എറണാകുളം സെന്‍ട്രല്‍ ജുമാമസ്ജിദ് ഇമാം മുഹമ്മദ് മുനീര്‍ ഹുദവി പ്രഭാഷണം നടത്തും. ഒമ്പതിന് വൈകുന്നേരം 6.45 ന് ഇസ്‌ലാമിക കഥാപ്രസംഗം സയ്യിദ് ഫൈസല്‍ തങ്ങള്‍ അല്‍ ഹുദവി ഉദ്ഘാടനം ചെയ്യും. സുബൈര്‍ തോട്ടീക്കലും സംഘവും കഥാപ്രസംഗം അവതരിപ്പിക്കും. 10ന് വൈകുന്നേരം 6.45ന് ദിഖ്‌റ്ദുആ മജ്‌ലിസിന് സയ്യിദ് മശ്ഹൂര്‍ ആറ്റക്കോയ തങ്ങള്‍ ആയിപ്പുഴ നേതൃത്വം നല്‍കും. അബ്ദുല്ല യമാനി അരിയില്‍ ഉദ്ഘാടനം ചെയ്യും. സ്വാലിഹ് അന്‍വരി ചേകന്നൂര്‍ മുഖ്യപ്രഭാഷണം നടത്തും. വാര്‍ത്താസമ്മേളനത്തില്‍ കെ.പി മുഹമ്മദ് കുഞ്ഞി ഹാജി, എന്‍.എ സിദ്ധീഖ്, യു.എം ഹംസഹാജി, പി.കെ ഇസ്മാഈല്‍ ഹാജി, വി.വി ജാബിര്‍ പങ്കെടുത്തു.