തിരുവനന്തപുരം: തന്റെ മകന്‍ ശ്രീജിവിന്റെ മരണത്തില്‍ കുറ്റക്കാരായവര്‍ സമൂഹത്തില്‍ സുരക്ഷിതരായി കഴിയുന്നുവെന്ന് ശ്രീജിത്തിന്റെ മാതാവ് രമണി മാധ്യമങ്ങളോട് പറഞ്ഞു.

എനിക്ക് രണ്ടു മക്കളായിരുന്നു ഉണ്ടായിരുന്നത്. എന്നാല്‍, ഇപ്പോള്‍ ഒത്തിരി മക്കളുണ്ട്. ശ്രീജിത്തിന്റെ സമരത്തെ പിന്തുണച്ച് എത്തിയവരെ ചൂണ്ടി അവര്‍ പറഞ്ഞു. തെറ്റും ശരിയും തീരുമാനിക്കുന്നത് കോടതിയാണ്. എന്നാല്‍, കേസില്‍ കുറ്റക്കാരെ സംരക്ഷിക്കുന്ന നടപടിയാണ് സര്‍ക്കാര്‍ സ്വീകരിക്കുന്നത്. പക്ഷേ ഇപ്പോള്‍, തനിക്ക് നീതി ലഭിക്കുമെന്ന് പ്രതീക്ഷയുണ്ടെന്നും അവര്‍ പറഞ്ഞു.