നിലമ്പൂര്‍: വിദേശമദ്യം ചില്ലറ വില്‍പന നടത്തുന്നതിനിടയില്‍ യുവാവ് അറസ്റ്റില്‍. മരുത നെടുമണ്ണില്‍ ചന്ദ്രനെ (43) യാണ് നിലമ്പൂര്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടി. അനില്‍കുമാറും സംഘവും അറസ്റ്റ് ചെയ്തത്.
മുന്‍പ് മദ്യവില്‍പനയുമായി ബന്ധപ്പെട്ടു രണ്ടു തവണ പിടിയിലായ ആളാണ് ചന്ദ്രന്‍. പ്രിവന്റീവ് ഓഫിസര്‍ പി. രാമചന്ദ്രന്‍, സിവില്‍ എക്‌സൈസ് ഓഫിസര്‍ എ.പി ഉമ്മര്‍കുട്ടി എന്നിവരും എക്‌സൈസ് സംഘത്തിലുണ്ടായിരുന്നു. പ്രതിയെ കോടതിയില്‍ ഹാജരാക്കി.