മലപ്പുറം: ഭാരത് സ്‌കൗട്ട്‌സ് ആന്‍ഡ് ഗൈഡ്‌സിന് മലപ്പുറത്ത് ആസ്ഥാനമൊരുങ്ങുന്നു. മലപ്പുറം കോട്ടപ്പടിയില്‍ നിര്‍മിക്കുന്ന ആസ്ഥാന മന്ദിരത്തിന്റെ ശിലാസ്ഥാപനം പി. ഉബൈദുല്ല എം.എല്‍.എ നിര്‍വഹിച്ചു. എം.എല്‍.എയുടെ മണ്ഡലംതല ആസ്തിവികസന ഫണ്ടില്‍നിന്നാണ് മന്ദിരത്തിനാവശ്യമായ തുക ചെലവഴിക്കുന്നത്.
ചടങ്ങില്‍ നഗരസഭാധ്യക്ഷ സി.എച്ച് ജമീല അധ്യക്ഷയായി. ഉപാധ്യക്ഷന്‍ പെരുമ്പള്ളി സൈത്, വാര്‍ഡംഗം വത്സല, സ്‌കൗട്ട് ജില്ലാ സെക്രട്ടറി എം. സിദ്ദീഖ്, ജില്ലാ വിദ്യാഭ്യാസ ഓഫിസര്‍ എം.കെ ഗോപി, ജില്ലാ കമ്മിഷണന്‍മാരായ പി.ടി ജോര്‍ജ്, എ. പാത്തുമ്മക്കുട്ടി, കെ.പി മുഹമ്മദ് അബ്ദുറഹിമാന്‍, ടി. ഇന്ദിര, അലവി കരുവാട്ടില്‍, ഷമീന സംസാരിച്ചു.