മലപ്പുറം:  ആരോഗ്യസുരക്ഷിതത്വം ഉറപ്പുവരുത്തുന്നതിനായി  ആരോഗ്യവകുപ്പിന്റെ പ്രത്യേക സംഘം  നാളെ  ജില്ലയിലെ സ്‌കൂളുകളില്‍ പരിശോധന നടത്തും. 'വിദ്യയോടൊപ്പം വൃത്തിയും' യജ്ഞത്തിന്റെ  ഭാഗമായാണ് സ്‌കൂളുകള്‍  തുറക്കുന്നതിനു മുന്നോടിയായി ഹെല്‍ത്ത് ഇന്‍സ്‌പെക്ടര്‍മാരുടെ  നേതൃത്വത്തില്‍ പരിശോധന നടത്തുന്നത്. സ്‌കൂളുകളില്‍ നടത്തിയ  മഴക്കാലപൂര്‍വ പകര്‍ച്ചവ്യാധി  പ്രതിരോധ പ്രവര്‍ത്തനങ്ങള്‍ വിലയിരുത്തി ആവശ്യമായ നിര്‍ദേശങ്ങള്‍ സ്‌കൂളുകള്‍ക്കു നല്‍കും.  അതതു പ്രദേശങ്ങളിലെ പ്രാഥമികാരോഗ്യ കേന്ദ്രങ്ങള്‍ക്കാണു പരിശോധനയുടെ ഏകോപനചുമതല.