താമരശേരി: കോരങ്ങാട് കൊക്കംപേരുമ്മല്‍ ഫാത്തിമാ എസ്റ്റേറ്റില്‍ ഹോട്ടല്‍ മാലിന്യം തള്ളിയവരെ നാട്ടുകാര്‍ പിടികൂടി പൊലിസില്‍ ഏല്‍പ്പിച്ചു. വെള്ളിഴാഴ്ച അര്‍ധരാത്രിയാണ് മാലിന്യം തള്ളിയ ലോറി നാട്ടുകാര്‍ പിടികൂടിയത്. മുന്‍പും നിരവധി തവണ പ്രദേശത്ത് ഇവര്‍ മാലിന്യം നിക്ഷേപിച്ചുണ്ടെന്നും അന്ന് മേലില്‍ ആവര്‍ത്തിക്കില്ലെന്ന ഉറപ്പില്‍ വിട്ടയച്ചതാണെന്നും നാട്ടുകാര്‍ പറഞ്ഞു. മാലിന്യം കാരണം പ്രദേശത്തെ കിണറുകളിലെ ജലം മലിനമാകുന്നുണ്ടെന്നും ഇതിനെതിരേ ബന്ധപ്പെട്ടവര്‍ നടപടി സ്വീകരിക്കണമെന്നും നാട്ടുകാര്‍ ആവശ്യപ്പെട്ടു.