കൊച്ചി: പുതുവത്സരാഘോഷത്തിനിടെ  കൊച്ചി ഗോശ്രീ ഒന്നാം പാലത്തില്‍ നടന്ന അപകടത്തില്‍ രണ്ട് വിദ്യാര്‍ഥികള്‍ക്ക് ദാരുണാന്ത്യം. നെയ്യാറ്റിന്‍കര സ്വദേശി നരേന്ദ്രനാഥ്, പാലക്കാട് സ്വദേശി ആരോമല്‍ എന്നിവരാണ് മരിച്ചത്. എറണാകുളം സെന്റ് ആല്‍ബര്‍ട്‌സ് കോളജിലെ വിദ്യാര്‍ഥികളാണ് ഇരുവരും. 

എറണാകുളത്തുനിന്ന് ബോള്‍ഗാട്ടിയിലേക്ക് ബൈക്കില്‍ വരികയായിരുന്നു ഇരുവരും. എതിര്‍ദിശയില്‍ നിന്നുവന്ന ഓട്ടോയുമായി കൂട്ടിയിടിക്കുകയായിരുന്നു.

ഇടിയുടെ ആഘാതത്തില്‍  റോഡിലേക്ക് തെറിച്ചു വീണ ഇരുവരും സംഭവസ്ഥലത്തുവച്ചുതന്നെ മരിച്ചു. ഓട്ടോറിക്ഷയും ഡ്രൈവറെയും പൊലിസ് കസ്റ്റഡിയിലെടുത്തു. പോസ്റ്റ്‌മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് കൈമാറും.