കോഴിക്കോട്: ദേശീയ സീനിയര്‍ പുരുഷ വനിതാ സെപക്താക്രോ ചാംപ്യന്‍ഷിപ്പിന് കോഴിക്കോട് തുടക്കം. 26 സംസ്ഥാനങ്ങളില്‍ നിന്നായി 500 ഓളം പേരാണ് ചാംപ്യന്‍ഷിപ്പില്‍ പങ്കെടുക്കുന്നത്. വി.കെ കൃഷ്ണമേനോന്‍ ഇന്‍ഡോര്‍ സ്റ്റേഡിയത്തില്‍ നടക്കുന്ന ചാംപ്യന്‍ഷിപ്പ് ഏഴിന് സമാപിക്കും. ഗതാഗത മന്ത്രി എ.കെ ശശീന്ദ്രന്‍ ഉദ്ഘാടനം ചെയ്തു. കോഴിക്കോട് സ്‌പോര്‍ട്‌സ് കൗണ്‍സില്‍ പ്രസിഡന്റ് കെ.ജെ മത്തായി അധ്യക്ഷനായി. ജില്ലാ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ മുക്കം മുഹമ്മദ്, ടെന്നീസ് വോളിബോള്‍ ചെയര്‍മാന്‍ ബാലന്‍ അമ്പാടി സംസാരിച്ചു.