പൂനൂര്‍: പൂനൂര്‍ പുഴ ഉല്‍ഭവിക്കുന്ന കട്ടിപ്പാറ അരീക്കരകുന്ന് മുതല്‍ കക്കോടി കോരപ്പുഴയില്‍ ചേരുന്ന പുഴയുടെ അറുപത് കിലോമീറ്റര്‍ ദൂരവും സര്‍വേ ചെയ്യാനുള്ള തീരുമാനം എടുത്തതായി എ.ഡി.എം ജനില്‍കുമാര്‍ അറിയിച്ചു.
ഇതിനായി സ്‌പെഷല്‍ കമ്മിഷനെ നിയോഗിക്കും.
ഏറ്റവും കൂടുതല്‍ കൈയേറ്റവും മലിനീകരണവും നടക്കുന്ന കൊടുവള്ളി മുനിസിപ്പാലിറ്റി പ്രദേശത്താണ് ആദ്യം സര്‍വേ ചെയ്യുന്നത്. കിഴക്കോത്ത്, വാവാട്, കൊടുവള്ളി എന്നി വില്ലേജുകളിലാണ് പുഴയുടെ പുറമ്പോക്ക് കൈയേറ്റം അധികവും നടക്കുന്നത്. കൊടുവള്ളി മുനിസിപ്പാലിറ്റി സത്യസന്ധമായ നിലപാട് പുഴ കൈയേറ്റത്തിനും മലിനീകരണത്തിനുമെതിരായി സ്വീകരിക്കണമെന്ന് സേവ് പൂനൂര്‍പുഴ ഫോറം പ്രസിഡന്റ് പി.എച്ച്. താഹ പ്രസ്താവനയില്‍ ആവശ്യപ്പെട്ടു.