ചേളാരി: നന്‍മകൊണ്ട് നാടൊരുക്കാം വിദ്യകൊണ്ട് കൂടുതീര്‍ക്കാം എന്ന പ്രമേയത്തില്‍ എസ്.കെ.എസ്.ബി.വി സംസ്ഥാന കമ്മിറ്റി സംഘടിപ്പിക്കുന്ന അനുഗ്രഹ സന്ദേശയാത്ര ഇന്ന് രാവിലെ എട്ടിന് വരക്കല്‍ മഖാമില്‍ സയ്യിദ് ഹംസ ബാഫഖി തങ്ങള്‍ ഉദ്ഘാടനം ചെയ്യും. സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ നയിക്കുന്ന യാത്ര വിവിധയിടങ്ങളിലെ പര്യടനങ്ങള്‍ക്ക് ശേഷം വൈകിട്ട് ഏഴിന് പാണക്കാട് സമാപിക്കും.
പാണക്കാട് സയ്യിദ് റാജിഹ് അലി ശിഹാബ് തങ്ങള്‍, സംസ്ഥാന ജന. സെക്രട്ടറി അഫ്‌സല്‍ രാമന്തളി, സയ്യിദ് സ്വദഖത്തുല്ല തങ്ങള്‍ അരിമ്പ്ര, അസ്‌ലഹ് മുതുവല്ലൂര്‍, രിസാല്‍ദര്‍ അലി ആലുവ, അനസ് ആമ്പല്ലൂര്‍, മുബശ്ശിര്‍ മേപ്പാടി, മുബശ്ശിര്‍ ചുങ്കത്ത്, മുനാഫര്‍ ഒറ്റപ്പാലം, ഫുഹാദ് വെള്ളിമാട്കുന്ന് തുടങ്ങിയവര്‍ സംബന്ധിക്കും.